हिजो सोमबार दिउँसो साढे ४ बजेतिर पोखरा वडा नं. १८ सराङकोट पदेलीका २३ वर्षे युवराज थापा भैरवटोल तर्फबाट अर्चलबोट जाँदै थिए ।
स्कुटरमा अघि बढ्दै गर्दा अर्चलबोट चोक नेर १ लाखको बिटो देखे । उनले टिपे र यताउति सोधे । एकछिन बस्दा पनि कसैले दाबी नगरेपछि प्रहरीलाई खबर गरे ।
वडा प्रहरी कार्यालयबाट प्रहरीको टोली अर्चलबोट पुग्यो । र, मुचुल्का बनाई प्रहरीले बुझ्यो । अहिले यो समाचार तयार पार्दासम्म कसैले पनि प्रहरीकहाँ दाबी पेश नगरेको वडा प्रहरी कार्यालय बगरका प्रमुख इन्स्पेक्टर बोधराज रेग्मीले जानकारी दिए । वडा प्रहरीले कार्यालयको फेसबुकबाट सूचना पनि जारी गरेको उनले जनाए । सम्बन्धित धनीले प्रमाणसहित बगर प्रहरी कार्यालयमा सम्पर्क गर्न भनिएको छ ।
यतिबेला युवराजलाई धन्यवाद र बधाईको ओइरो लागेको छ । यो ईमान्दारिताको कदरस्वरुप बधाई भन्दै प्रशंसा भइरहेको छ । उनको फेसबुक प्रोफाइलमात्र होइन, युवाहरुको सेक्रेट फेसबुक ग्रुप ‘मेन्स रुम (रिलोडेड)’ मा पनि चर्चा भइरहेको छ ।
अर्को, आज मंगलबार उनलाई अमेरिका भिसा प्राप्त भएको जानकारी सम्बन्धित कन्सल्टेन्सीले सामाजिक सञ्जालबाट सार्वजनिक गर्यो ।
उनले चिप्लेढुंगामा अवस्थित मिराकल इन्स्टिच्यूटबाट अमेरिकाका लागि प्रोसेस गरेका थिए ।
मिराकलका प्रबन्ध निर्देशक कुलराज बरालले मंगलबार भिसा प्राप्तिको खुशी साट्दासाट्दै इमान्दारिताको अनुपम उदाहरण प्रस्तुत गरेको सुन्दा झनै खुशी भएको अनुभव बताए ।
युवराजले पोखराकै पृथ्वीनारायण क्याम्पसबाट बीएससीआईटी उत्तीर्ण गरेर वैदेशिक अध्ययनका लागि प्रोसेस अघि बढाएका हुन् । उनले आईएलटीएसमा ७.५ ल्याई यूएसमा मास्टर अफ साइबर सेक्युरिटी पढाईका लागि स्कलरशीपमा योग्य भएका छन् ।
सम्बन्धित समाचारः
भेटिएको १ लाख तत्काल प्रहरीलाई बुझाउने सराङकोटका युवराजको इमान्दारिताको चर्चा
सम्बन्धित खबर
मोटरसाइकल दुर्घटनामा श्रीमानको मृत्यु, श्रीमती गम्भीर घाइते
पोखरासहित गण्डकी क्षेत्रमा सार्वजनिक यातायातमा विद्युतीय साधन बढ्दै
पोखरा–मुग्लिन सडक खण्डमा विजयपुर खोलासहित चार ठाउँमा पुल बनाइँदै
लेकसाइडमा स्कुटरलाई ठक्कर दिएर भागेका कुशल पक्राउ
गण्डकी प्रहरी प्रमुख बनिन् डीआईजी दुर्गा
पुतलीबजार पूर्ण खोप सुनिश्चितता नगर घोषित
यो पनि पढौँ
स्याङ्जामा विवाहकै दिन बेहुलाबेहुली पक्राउ
आँखामा राख्दा पनि नबिझाउने ‘बिनोद सर’ अब सम्झनामा
जनकपुरको होटलमा बेहोस भेटिएकी पोखराकी युवतीको मृत्यु, सँगै बसेका २ युवक फरार
बालकुमारीमा मारिएकाका परिवारलाई कोरियाबाट आर्थिक सहयोग